仲有5日去新加坡過聖誕節~~~Yeah
一早買定兩本天書睇
呢幾日要安排下D行程
今次住新加坡濱海灣金沙酒店 Marina Bay Sands Singapore
最最期待係佢既6x樓泳池
尋晚收工同老公去吉豬島買泳裝
好在冬天仲有得買
可惜全都是清貨款
無SIZE架，正價6折
我的泳衣，清哂貨，無咩款lu，都係選擇最愛的粉紅色
仲有買左條褲仔，下身肥，唔想就甘著3角褲
襯埋一套，都幾好
老公條泳褲
沙灘褲
好期待哩^^
2010年12月20日 星期一
2010年12月15日 星期三
好凍呀
今日得9度
但我家唔太凍
街外凍好多哩
早一星期
天文台公布本週會有寒流
老公即拉左我去黃埔吉之島買左d
新的長袖底衫俾我著
舊果d隻袖太短了
d底衫洗好哂
今日著左喇~
黎緊真係好忙
好幾個飯局
24號參加老公公司聯歡會
25號就飛去新加坡過聖誕
28號回來
我的假期由24/12~28/12，yeah
回來後會好忙
開始搞婚禮d野
12月好快會過
距離Big Day得返11個月
但我除了訂左酒席外什麼都未搞
老公話唔洗甘急
最急係影左婚紗相先
但我地重未落實搵邊間影
去完旅行先返黎搞
明年2-3月影都ok^^
2010年12月13日 星期一
i-pad
平均每2-3日我就會買生果歸家
老公好鐘意食西瓜
所以我家的雪櫃一定有西瓜
通常收工會在灣仔鵝頸橋街市買埋返黎
平d、新鮮d
呢堆生果係我自己一次過拎返黎架
好勁
有香梨、韓國水晶梨(好好味，同大陸梨無得比)、橙、西瓜、沙田柚
呢堆生果可食2-3日
每日我都會切定一盒西瓜放在雪櫃俾老公食
wow~~我的新玩具 64G I-PAD
老公買俾我的靚靚豹紋套~~多謝老公^^
2010年12月12日 星期日
不倒翁
每年差不多到生日
老公都會同我重踏我倆第一次食晚飯的地方(其實係火鍋)
呢三年來我地都有呢個習慣
12月一定會來一次"不倒翁"懷念一下
可惜今年我太遲BOOK，坐唔返當年的位置
不經不覺三年了
呢三年來我過著無憂無慮的生活
生活的所有野都有你為我安排好哂
你成日話
我身上無邊一樣野唔係你買俾我
講真
我所有用的，穿的全都是你買俾我
yeah~~
果日睇"刑警"
你見到carson中鎗死果幕
你即刻攬著我同我講
你話如果你走左先
好驚我唔知以後點生活
仲話一定要留返哂d錢俾我
d保險要轉哂寫我名
我當時真係眼濕濕
好感動
傻瓜
邊個準你走
你今生下世都要陪著我~~
三文魚+吞拿魚腩
日本珍珠蠔，有蠔味，叫左半打
勝子，好鮮甜
手切牛
雪花肥牛(唔知好無食，老公見到唔LIKE換左樓上果碟)
沙爹湯底
芝士墨魚丸，要小心食，會爆汁
西洋菜
烏東，我最LIKE
每次黎"不倒翁"都勾起好多回憶，haha，每次都俾你笑我當年d笑料。
你成日都話甘就俾我呃左返黎，哈哈。
二人世界打完邊爐後，落左酒吧老公d朋友同我慶祝，其實係即興架，哈哈。仲有cake切，個旦糕好好味，仲有live band唱生日歌俾我聽，好開心。
我差d醉，因太耐無飲，手起杯落，好勁哩。
2010年12月10日 星期五
生日週
今年係我最後一年2字頭的生日
亦都係我結婚前最後一個單身的生日
踏入十二月好忙
食左好多餐生日飯(全是火鍋)，去左幾晚酒吧慶祝
但全都是老公的朋友同我慶祝
好搞笑
老公話我的生日仲忙過他
他的朋友全都約食飯
我真的好受歡迎呢
我好高興哩
今年生日我真的好開心
有你在我身邊我已經好滿足
我真的感覺到每天你也好錫我、好愛我
成日都驚我著唔夠衫
又驚我無錢洗
又驚我亂食野
連我瞓覺都成日睇我有無"副"被
你好傻呀
I Love U
正日果日老公同我都拎左假
入左赤柱行下
平日去赤柱真的好舒服
好寫意哩
老公知我未黎過赤柱，所以帶我黎行下，同我影左好多張相，我呢個老公真
係對我好細心
去左美利樓食Lunch，早一日book左間德國菜，本來諗住坐室外，但
果日天朗氣清，仲好鬼熱，都係坐返室內舒舒服服
德國腸沙律，我覺得非常一般
魚，d薯仔好好味
德國腸，d薯仔食唔哂
老公話好似條雙節棍~~搞笑~~
德國啤~~好飲
德國脆皮咸豬手，yummy~~
德國脆皮咸豬手，真係好好味，好想再食~~
朱古力cake
多謝你呀老公
成日諗地方帶我周圍去
我愛ccccc你
2010年12月1日 星期三
月曆
尋晚老公送左個月曆給我
佢自己DIY架
每個月都有唔同的主題架
好開心
上年送左本我倆做主題的小說
今年送左本2011年的月曆
唔同月份都搵返我地以前果段時間影的相做成
總之我都鐘意啦
老公你真係好錫我呀
成日都諗野氹我開心
多謝你呀
I Love U
2010年11月12日 星期五
新加坡@聖誕節
好開心，好開心
25/12-28/12同老公去新加坡玩4日呀
今日收工同老公去左"專業旅運"出機票及酒店
兩個人酒店+機票+機場稅=HK$14400
老公真係好錫我
老公話只要我乖咩都有架
哈哈哈哈
我覺得自己好幸福呀
多謝老公
I Love U
2010年11月10日 星期三
有感而發
今天從某種途徑得知
大約十年前一起工作的戰友
今天已晉升到一個舉足輕重的職位
一方面，我真的登她很高興
能夠有今天的成就
另一方面
我回望自己
深深處，放低很久很久的回憶一一浮了出來
多年前
我是一個很有幹勁
很上進的年輕人
希望自己在事業有一番作為
而我的付出，亦都得做了相同的回報
甚至是更多
可惜...
這一切來的太輕易
我沒有去珍惜
從前很有幹勁及很虛心學習的年輕人
變成一個不可一世，自大，自我中心的人
唔會聽人意見
世界上只有自己
結果做錯了
我的感情，事業都失去了
當時...
整個人生跌進谷底
我足足用了4年時間去逃避
甚至會用一些唔健康的方法去逃避現實
當時的我人生是灰色的
直至3年前
認識了現在的他
我的人生重現的色彩
他令我知道做人的生存和意義
他真的教導了我很多
他令我學懂放下
"放下"
包括很多......
我常常執迷著以前擁有的一切
我放下了
我的心結
都一一放下了
當心結解開後
我好像重生一樣
當時他真的花了很多時間、心機來陪我
他真的令我改變了很多
現在
我真的很感激以前的自己
沒有經歷
是不會成長
所以我常常都感恩
很珍惜我現在所擁有的一切
珍惜我最愛的老公
其實他真的好好
他很包容我
真的很多謝你
多謝你呢幾年來的照顧
仲有送我一個家啦
送左好多溫暖俾我
多謝上天
多謝上天給我所有的經歷
否則，我唔會認識到老公
我都很喜歡現時的工作
一切都好滿足了
今晚
真的有感而發。。。
2010年11月8日 星期一
婚紗展+美酒展
上週六去哂會展舉行的兩個展覽
第一站去婚紗展
今次去其實無咩目標
現在一年有九次婚紗展
再睇定d先出手都未遲
因為現在訂了酒席
所以有好多野都可以嘆慢版
最急係影pre-wedding
因為我地仲場簡緊攝影師呀
最遲明年二月要影
等老公上網搵到好為止
另外仲要睇左d禮服公司
有間叫"新婚情報"都幾好
我已經決定左
BIG DAY果晚著，一套婚沙+兩套晚套
已經好足夠
仲有一套裙褂
關於禮服，明年二月都要開始處理
行完婚紗展
我地就落左樓下美酒展
因為剛好有朋友有個攤位
所以我倆免費入場哩
原來d門票好貴
要成200元一張
因為入面好多酒免費飲架
仲有芝士送酒
加上是展覽最後一日
好多參展商都唔想搬d酒走
全部開哂出來任人飲
我見到個個人情緒都好高漲架
老公入左去唔夠30mins同我講
開始醉
hahahahahahaha
行左45mins真係好貓要走
臨走朋友仲送左一支紅酒+一支白酒給我們
ok的話我地婚禮d紅酒可以搵他訂
haha，真係又食又拎
之後在灣仔碼頭搭船返紅磡吉之島買晚餐
噢....一d都唔平
用左4百幾元的晚餐
睇完飲食男女介紹生蠔，我同老公都頂唔順要止癮，呢度都要$200
什錦壽司
什錦壽司2，另外仲買左2隻雞脾+6隻雞翼，結果食淨一隻雞脾，結果仲係雪櫃未解決，食完晚餐在屋企坐下之後同老公落街散步入左茶記飲左杯野，睇左半場曼聯對狼隊，我行行下仲同老公講，我覺得自己好幸福，好開心哩，有老公成日都陪住我，hehe^^
2010年11月4日 星期四
未來奶奶生日飯@鯉魚門
前幾天同未來奶奶食生日飯
早於個幾星期前，我已經諗緊食咩
左諗右諗
一於帶老人家去鯉魚門食海鮮
呢間食店之前朋友帶過我地黎
好好食架
阿奶成餐飯都好開心
祝阿奶生日快樂，身體健康
去片~~~
雜魚湯，老闆話用左8種魚煲成的，好鮮甜
東風螺，食唔哂呀，因為好難消化，老公唔敢我食太多
粉C蒸貝殼，哈哈，好好味
清蒸鮑魚，蒸得剛剛好，好滑
白灼蝦
奄仔
好多膏，我好鍾意食蟹架
清蒸唔知咩斑，好厚肉，正
椒鹽瀨尿蝦，我無食，比左老公，因為剛病好，唔敢食哩
龍蝦伊麵，好好味
生炒糯米飯，食唔哂，打包
精美水果