新加坡之遊山玩水

繼續寫新加坡之旅

自由行真係好多好處

鐘意幾點起身都得

不過我地都無瞓到好晏

因為我地BOOK酒店係送埋自助早餐

唔可以瞓得太晏

幾日都係瞓到8點幾

都有去D地標影下相

幾得意

 

去旅行做足準備，老公一早買定兩本攻略

 

出發喇，今次早於兩個月前BOOK酒店機票，由於我地25/12聖誕節正日出發，

國泰、星航通通Full哂，只有Tiger airline仲有位，我都知係廉價航空，估唔到真

係甘差，我以後都唔會再搭，不值得我影相，所以一張相都無哩

 

到埗喇，落雨，搭的士走人，之後返左酒店check in，夜晚去左新加坡

特式大排檔食野，關於美食篇會於另一篇文再詳細講

 

第二日，大約8點起身，落左酒店食早餐，以後就出左去行下d地標，我地

好叻叻，香港放假時都唔會甘早起身，反而去旅行會8:00起身，哈哈，好叻哩，

第一個景點係榴槤劇院，個外型真係成個榴槤款

 

魚尾獅，一路影相，我覺得好搞笑，我同老公我講我終於明白點解d自由行甘鐘意

影去會展金紫荊度影相，原來我去到人地地方都做緊同一樣野

 

新加坡真的又濕又熱，我每日出去背包一定預備一條毛巾俾老公抹汗，次次都

濕哂，行完地標後出哂汗，之後返酒店抖下，落左去酒店賭場見識下，夜晚晚飯

後出左行下，影下夜景

 

多謝金沙賭場贊助的旅費，yeahhhhhhh

 

第三日去左環球影城，老公好叻叻，當我地訂完酒店後，佢上網買埋環球影城

入場券，每日都有限入場人數，應該所有Walk in都唔會買到飛，老公你好叻呀，

我地響影城食左個美國餐(詳細會於另一篇美食篇再講)，食完野再行下，差不多4點

零走，我對影城的感覺是到此一遊啦，我地無排過一樣需要排隊玩的，我倆都唔喜歡

排隊，我覺得參觀下見識下已足夠喇，未去過可以去下。

 

第4日喇，今日我地搭16:35機，起身後落去食早餐，再上樓執下行李，

12:00 check out後再出去買豬肉乾做手信，再返酒店搭免費車出機場，

新加坡，我同老公都好唔捨得你呀，我地好快好快會再黎，Yeah!!

 

未寫完架...仲有好精彩的美食篇...

待續...