今次呢味紅酒煮牛尾都係老公主理的
我家老公係牛魔王
呢味菜色佢想煮好耐
亦都有上網搵左好多食譜
左加右減後用左個最啱自己的方法來煮
為左呢個牛尾，老公用左成日下午的時間來處理
係佢近期最得意的作品
上週日奶奶都有上來我地家食飯
材料如下，由於我只負責影相，加上老公無在旁講解份量，因此我打唔到個食譜出來呢
配料切粒粒，老公好有心機
牛尾，專登買多d，諗住可以食多餐
炒粒粒
先爆下牛尾
加埋d粒粒再炒下
加雞湯
加紅酒
炆左大約大半個鐘後加茄膏
加左d芝士
大約要炆最少個半鐘，當中一定要不段睇火，得閒要搞下，因為好容易痴底，
我地由下午開始炆，煮好後一路焗住，到晚飯時才再翻熱，會更加入味
煮好喇，非常好味
配飯一流
另外我煎左塊酥餅，點汁好好味
另外我滾左個冬瓜豆腐大眼雞湯，有冬瓜我就無買菜
奶奶話好好飲
好滿足的一餐，我仲pack左d牛尾比奶奶拎返屋企煮意粉食
話說當日我約左班姊妹團食晚飯
所以呢老公就要一個人晚餐喇
呢個情況係好少會發生
我好痴老公o架
平時係好少好少會自己出去唔陪老公
就算真係出去，都會揀一d老公唔得閒的情況
例如 : 佢當晚要開會、約左友人食飯或要應酬
以上情況通常佢都會預先通知我
我有時都會出去同朋友食下飯
唔出去就會自己響屋企煮魚雲湯飲
(因為呢個湯老公唔飲的，佢唔響度我先會煮)
今次我出去同班姊妹飯局
好難先約得齊人
所以呢我唔會再就老公開會的日子
就出現左呢次老公一個人的晚餐喇
咁呢我呢個廿四孝就買定左老公最like的牛扒
等佢放工返屋企自己煎黎食
佢都好enjoy，仲開左支紅酒自己飲，仲留左杯比我返來飲
我一早響吉之島買定塊扒放雪櫃
仲有西瓜，羊扒無煎到，留左第二日先食
老公好cute o架，我唔響度，都影低d煮食相比我睇
yummy~
佢今次係專登煎5成，因為要夾返支酒
當晚我十一點幾回到家，其實數下手指，我都有成年幾未試過響老公得閒的情況下
去街，我認我痴老公o架，佢無我響身邊都好唔慣哩，只係小別幾個鐘，大家都咁
掛住對方，真係好鬼寃氣^^
上週五老公帶左我去食自助餐
今次去左沙田帝都酒店City Art
係半自助餐形式
頭盤係自助餐
主菜係take order，都係任叫的
生蠔係即開，每次拎三隻
長腳蟹都好有蟹味，蝦同青口都好食
iphone影相質素真係爭d，可惜又習慣左用iphone影相==''
沙律，以下開始係take order，都係任叫的
龍蝦湯
羊
扒，honey同我都一致認為，呢度d主菜唔合格
帶子
賣相好差的菜
呢個自己整，好味
驚喜，老公出左去拎甜品，畫左個哈哈笑比我，好開心呀，I Love u^^
雖然主菜麻麻地，但係環境坐得好舒服，我地兩個食得好開心，傾下心事，
都好正呀!
食完飯之後去睇期待已久的竊聽風雲2，第一集好睇d~
今日出去拍拖好開心，玩足一日，笑足一日，Happy~
