元朗有間好出名的B仔涼粉，佢的雞翼尖很受歡迎
我印象中食過一次，但無十年都有八年前了
早排上網見到有B仔雞翼尖食譜，聲稱有9成半似
咁早兩日我老公同朋友出外食，又到我自由發揮食野的時間
就試下跟個食譜玩下
平時我係鐘意食雞翼尖的，但老公話無益佢都唔比我食好耐了
當他知道我整時都有話我呀，咁我當然話整黎玩下，食幾隻算啦
材料
雞翼尖一磅，蒜頭十至十二粒，紹酒5湯匙，魚露數滴，鹽，糖，辣椒5-6隻
雞翼尖飛水
白鑊下紹酒至出煙出味
紹酒出味後爆雞翼尖
之後下魚露數滴，鹽，糖，辣椒，蒜頭下一半
落水蓋過面，滾起後調慢火煮半小時，最後落埋其餘一半蒜頭，關火蓋住一小時食得
食譜話有9成半似B仔，但我太耐食過印象唔深，都幾好味，我唔敢成我分左兩日食
2014-06-19更新
我發覺呢篇雞翼尖好受歡迎
近排我都重新整左次仲拍左條片按我
有時間睇下啦
同一日，去開街市買野，今晚自己食當然食細魚啦，買左泥猛整米粉
我細個係食呢D大架，出左黎工作後有十多年食街外飯，家陣嫁左老公唔得閒食自己時煮返D細個食開的食物，好好味啊
另一日，老公話想食簡簡單單
又係大眼雞湯，老公至愛
又係雞脾，老公至愛，佢話真係好正，又好送飯
煎鮫魚，我鐘意，好送飯
灼菜心，老公話我灼菜有進步
好似來來去去都係煮這些，老公真係好專一架，佢話好好味，食得好開心無炸我型，哈哈
我至愛，家陣晚晚心CC想食返支
我好鍾意食雞翼尖GA...但老公唔鍾意呢!!! 陳皮蒸泥鯭仲好味呀....你下次試試呀...我呢邊無泥鯭賣呢...好耐都無食過喇!!
回覆刪除[版主回覆04/19/2012 23:57:15]泥鯭都係蒸好味d，我好懶一煲過
e...海迪，我發現左一樣嘢呀！
回覆刪除你用呢支魚露小高廚房都係唔支呀，識貨喎！^^
[版主回覆04/20/2012 00:00:43]小高，我諗我個調味櫃有你4成喇，都差不多滿哂
e...e....個b仔雞翼尖個樣真係好似呀，我好likeb仔雞翼尖架，你寫得好詳細呀，我又試下跟住整先 ^v^
回覆刪除[版主回覆04/20/2012 00:03:25]可惜我唔記得b仔係咩味，唔知有幾成似，你試下整下似唔似
最近有好多人都跟住呢個食譜整b仔雞翼尖, 個個都話味道好相近呀~ b 仔呢舖麻煩lu, 哈哈
回覆刪除[版主回覆04/20/2012 17:15:25]我係係上網睇到跟黎玩下，估唔到真係咁似，haha~~
我老公都好like食b仔既雞翼尖,但我就麻麻地,所以佢同我一齊時就唔可以嗌到來食,多數同d fd先會食到呀!等我都跟你依個食譜試下先,thanks...
回覆刪除[版主回覆04/20/2012 17:35:36]我覺得ok ar，如果你先生唔食得咁辣放少兩隻~~
[Fanny Yip回覆04/20/2012 17:33:07]但係放咁多隻辣椒會唔會好辣呀??
[版主回覆04/20/2012 17:16:58]好易咋，買10蚊雞翼尖都夠喇，整黎逗下老公仔歡喜啦
我跟住食譜整左 但味無b仔甘濃味 係咪要再加多啲調味料？？
回覆刪除[版主回覆07/22/2013 23:51:48]唔夠味可以再加d調味，或者再焗耐d都會入味d架