巴黎倫敦自由行DAY 2(B)

巴黎倫敦自由行DAY 2
 
行程 : 凡爾賽宮-->艾菲爾鐵塔--->塞納河-->夏瑤宮-->春天百貨-->Galeries Lafayette

繼續DAY 2行程，響凡爾賽宮食完自備午餐後我地就離開喇，往巴黎鐵塔出發，

我有一個願望就係同老公響塔前要影日與夜的靚靚合照放響家中~




到喇~~巴黎鐵塔出現在我眼前，我心情好激動，

是做夢嗎???我同老公來到了巴黎呀，

小時候曾做夢...將來要同心愛的人四處旅遊，

在巴黎鐵塔前恩愛合照，噢~~~我願望成真了!!!

當老公拖住我步向塔前，百般感受...鼻子都酸了，

可能我前世做了些好事，今生擁有一個咁愛我...十二分愛錫我的男人來照顧我~


好喇，講到好遠添，在塔底望上去確實好震撼~

要上塔的收費，太多遊人排隊了，再加上我隻腳真係無能力行咁多粒樓梯




如果想睇巴黎鐵塔的全貌，要行去夏佑宮(約行30分鐘)

沿路經過塞納河

遊客坐船欣賞塞納河沿岸的風光，沿岸的景點包括新橋、藝術橋、亞歷山大三世橋、羅浮宮、奧塞美術館、巴黎鐵塔等等，本來我都想坐，後來時間唔夠無坐LU~

前面就係夏佑宮~

到喇，由夏佑宮可以好清楚欣賞，今日天氣唔太好，唔緊要呀，都影得好開心，明晚再來影夜景~

買張POST CARD寄比自己同奶奶~

緊接行程，來到春天百貨~

名店已被黃皮膚包圍，情況就好像香港的廣東道，本來想到CHANEL都放棄了，我明天會到CHANEL總店朝聖，果度無人排隊架，呵呵^^

我地對名店無興趣，反而家品有趣得多，做左師奶不其然會走到家品部~

來到法國除左博物館或餐廳的洗手間不用收費外，其他流動廁所或商場洗手間都係要收費的~

來到春天百貨我同老公都好急，每位€1.5

咁鬼貴當然有服務比人啦，你入廁格前有專人消毒一番~








行完春天後，下一景點係Galeries Lafayette老佛爺百貨

最後一日我都有來這裡2樓超市買手信

為左呢張相我又比人炳喇~

當時老公響另一邊睇緊紅酒，咁我就去超市果邊行，

見到甜品都係我衰影咩相...

當我舉起相機察一聲後，我的背部比人推了兩下，我個心即時離一離(係幾大力，我成個人向前鐘)

我以為咩事(有仇家????)，當我轉身睇下咩事比人推，有個6尺幾的食蕉警告我NOT PHOTO

唉.......我以為自己偷左野比人捉....郁手郁腳.....比人推完我個心都碎埋...法國...唉.....之後都都無哂心機睇野，行返去搵老公...咁鬼瘀我都無同佢講呢件事(事後先講)

當其時已經差不多4點，即係話我地由7:30行到現在都未抖過，嘩...好累呀，真係要食野休息下，咁我地就去食巴黎好出名的LEON食青口，事前我地已經寫低哂了路線，是在老佛爺附近，咁我地就起程喇....點知....一行就係1小時後.....

繼續行

經過...

繼續行...

呢個時候要開GPRS....

經過...

經過...馬車...

終於到喇，值得~~

來到巴黎能不到香港人最熟悉的青口專門店Leon de Bruxelles， 港幣百多元就吃到一大煲美味又鮮嫩的青口, 都萛幾抵食。

一共叫左兩個煮法的青口，呢個係原味真係好好味



芝士焗青口，我覺得原味好味好多..

呢餐就係DAY 2的晚餐

甜品





食完青口後，當時係5點，但我地真係要結束今日的行程返酒店休息，

巴黎四月份八點天空都未黑哂，

本來返到酒店沖完涼瞓一陣較左鬧鐘九點出去行下夜晚，但有心無力...一覺瞓天光....



DAY 2 完~~~