巴黎倫敦自由行DAY 3(A)

巴黎倫敦自由行DAY 3

行程 : 巴士底市集-->La Vallée Village Outlet -->Bon appétit (晚餐)-->夏佑宮(影巴黎鐵塔夜景)





來到第3日喇，時差已經搞惦哂，今日非常好精力，終於有食晚餐同埋能夠欣賞非常浪漫的巴黎鐵塔夜景。

今日的行程全是重頭戲，包括去左我同老公一致認為最得意之作~


登登登登...2012年巴黎倫敦自由行我最喜歡的景點是....巴士底市集 (Place de la Bastille)

巴黎的行程是我由安排的，老公負責搵搭車路線，這個景點令老公最歡喜!!

只要我們諗起巴士底，在巴黎所有不快都會忘記，巴士底市集真係令人好歡喜呀~~

相比起博物館，我覺得這市集更加吸引~

法國人生活品味真係好高，

他們連種個橙都好有心機，我在這裡食了人生中最美味的橙!!我到現在也記得個橙的味道~


好喇，開始行程~~

由於市集只會營業至下午一點半，今天我們清晨5點半已經起床，老公先寫底今日行程的搭車路線。

我們係會到市集食生蠔的，都要落酒店食少少早餐打打底。

大約八點我地出發喇~~~

搭地鐵響bastille下車，好容易搵一出站幾乎就見到~








位於巴士底廣場旁的理查勒諾大道 (Bd Richard Lenoir) 露天市集 (巴士底市集)，只在星期日和四早晨才有，

由清晨營業至下午一點半左右，鐘意逛市場絕對不能錯過，記住只有星期日和星期四才開~~

 

 

來到這巴黎傳統市集，一進去便看到販賣各種水果、蔬菜、海鮮、肉類、熟食等應有盡有，還有小飾品、衣服日常用品都有，可說是琳瑯滿目，我睇有過百攤檔。


來吧，我們開心暢遊市集~

色彩繽紛的水果呀，睇見都令人心情愉快~




當地人好多都拉住車仔來入貨 

 

好大條辣椒，顏色真係好吸引~




好大支蜜豆




好大支茄子，呢隻紫色真的美~




睇見都開心~




火龍果~




鴨蛋?




噢..連雞蛋也排得很美~




各式麵包~






烤雞，我無食呀，我見網上好多都說正囉^^




芝士




黎喇黎喇，我同老公都係生蠔粉絲，好新鮮的法國生蠔呀，我好興奮好想大叫呀~

未得住，行多幾檔先~










我地揀左呢檔幫襯，全部都係即開架~

 


呢度共有兩款味道，一盤18歐

我地ko左兩盤~




未食得住，有生蠔點可以無白酒~4歐兩杯~




在巴黎的早上，美景、美酒、美食仲有心愛的人在一起，你話我點會唔興奮，我好想大叫我好開心呀~




好新鮮呀

食完生蠔好興奮，繼續唔好停..

海鮮~




龍蝦~




貝殼類~




麵包蟹~睇見都想食~

放心呀，呢度d法國人好nice架，好歡迎影相^^





嘩...好多膏呀~~




魚類~




家禽類




食左兩塊煙三文魚，又係好好味~

其實當天早上只有5度，唉住冷食生冷野真係另有一番滋味，好過癮~




睇左咁多美食，抖一輪..一齊睇下顏色鮮艷的花花~



 

仲有好多hand made飾物~

 

好冷呀，我見到熱盤點左盒飯~




嗚...嗚....好難食...仲要成12歐一盒，食左幾啖掉左...

 

鴨脾~


 

老公成隻揸住食~



 
買左盒士多啤利，未食我覺得很美呀~

 

好大粒好多汁，好好味好新鮮~

法國的水果真係一流~


 

離開前有成team人街頭表演，我地欣賞左兩支曲~ 

 

 

我地要離開巴士仔喇，如果大家有機會來到巴黎而又喜歡逛市場，就絕對不能錯過巴士仔喇。

來到這市場，最能接近高傲的法國人，能夠了解當地的文化..

唔知點解，當我倆一走進這市集人便亢奮起來，見到咁多美麗的食物點會唔開心~

來了旅遊的第3天，我們今天是最開心的，花了那麼多時間來了巴黎真的值得~


好吧~DAY 3早上的行程完結...緊接著是令我們買得很爽的La Vallée Village Outlet 

待續....