再黎老公廚房

今篇都係老公廚房

以下全是老公又買又煮

由最新鮮開始寫喇

尋晚的

我剛病好，有胃口老公即煮飯比我食

佢買好哂餸Whatsapp比我時我都未收工啊



我至愛老公整的番茄蛋，好好味




波菜豬潤瘦肉魚蛋湯




薑汁鹽雞脾

 

yummy

 

*****


另一日，上星期有日返工時打比老公

話想飲啖湯

當晚老公約左朋友晚飯

我自己食

咁我就叫老公幫我買定豬展我自己放工返屋企煲

點知.............

返到屋企就見到已經煲好喇

好感動啊
 

好好飲

另一日，牛肉米線

老公鐘意我食多d菜，所以一定有碟大油菜

*****


另一晚

煎銀雪魚

 

咸肉炒豆角，好夠鑊氣

番茄滖大眼雞

蒸雞脾



大合照

好多謝老公每餐用心為我煮的晚餐

I Love u

 

身體健康

近來抵抗力好像很弱

上星期的端午節假期

在家中午睡，瞓醒去廳比冷氣吹一吹已知中招

不出半小時已感頭痛

同老公出左尖沙咀，行多兩行已頂唔順

開始發冷

之後立即回家，一探熱，38.5度

發燒了

當晚真的很辛苦

食了退燒藥成晚燒下退下，濕左5件底衫

第2朝去睇醫生，接近39度

打了支退燒針，休息左一日已退燒

但.........

我的喉嚨痛到吞口水都覺痛苦

我已經連續4天對任何食物都無興趣

真的很辛苦

昨晚半夜4點痛到醒

辛苦到哭了出來

呢幾天我瘦了幾磅

自從今年3月我開始重返社會工作

每個月都要睇醫生

內分泌失調

身體差了很多

老公笑我是富貴命，應該留返響屋企

煮下飯、整下餅

輕輕鬆鬆一天

佢強烈要求我做埋7月要返屋企喇

我會接受的

希望自己快D好返啦

大家祝我身體健康啦

謝謝你們

草莓馬卡龍

我真的愛上整馬卡龍

雖然我嘗過不少失敗(超過十次)

但現在，我可以大聲少少講，我已經掌握到喇

仲要一次比一次有信心

基本上，現在我睇蛋白霜我已經會知得定唔得

一個合格的蛋白霜加左粉之後，係唔會起尖位，仲要有光澤

所以呢，打蛋白的時間唔可以過長

我自己除左睇書之外，仲上youtube睇左好多片

通常睇外國的多，因為佢地真係教得好詳細

都係果句，只要肯學，更難的都會做到

近排，我試左3個新食譜

草莓呢一個，係法式

呢個作品，亦是我最得意之作

除左靚之外，都好味架

外脆內軟

我真係好滿意

食用色粉係我在沙巴旅行的時，響超市買返黎架，估唔到咁靚色

現在，我專注研究餡料方面

我鐘意夾酸的餡料，酸酸甜甜清新d

我唔想一味得個甜字

如果大家想學馬卡龍，不妨留言下

我下次一定影哂相，step by step教大家




其實材料都係果幾樣，真係好簡單

打蛋白

未焗我已經好有信心

入爐大約5-6分鐘會出裙邊

整埋個餡先

用左士多啤梨果醬加無鹽牛油打出來

打牛油

加果醬

很美，脹卜卜，滑嘟嘟

夾酸酸甜甜的餡料好味啊

配杯咖啡一流

第2日包裝靚靚送比朋友食

我老公好鐘意我整的馬卡龍啊

當晚食左3粒送咖啡

仲叫我多d整

今次呢篇我只是簡單介紹下

其實我仲整左個朱古力味，個餡我用左黑朱古力加淡忌廉

又係好好味

事關真係苦味重，食落一d都唔甜到漏

送左比朋友個囡食，朋友打返黎話個囡食到要我再安哥

下次再同大家分享過

多謝支持