來到蘇梅島的最後一日喇
大約9點零鐘我地去食早餐
都係同昨日食的差不多
佢地D麵包真係好正
同有乳酪都好食啊
呢杯朱古力奶都好味
食過早餐，之後我地就返房執好行李Check out
埋單中
等緊車老公幫我影下相
呢條裙就係昨日老公揀比我
都幾靚呀
現在我去陽光與海灘的地方都係穿一條好輕便的裙
好方便，一個宇“爽”
行李都輕好多，he
check out後我地就坐酒店車出去行下，但回程就無車來接喇，要自己返酒店
蘇梅島有個小outlet
我提一提大家，除非真係有好多時間
又或者好想買wacoal
否則，你可以唔洗去呢個outlet
因為呢，波鞋呀.....衫呀......牛仔褲呀......款式真係好土好土
娘都震，直頭係7-8年前的款式
你唔會買得落手架
但係wacoal買bra就係堅ok
d款式同我上年聖誕響曼谷買的款都差不多
我買左4個bra同10條內褲都係$650hkd
好抵啊
唯一一間買到東西的地方
無時間真係唔洗專登黎架
行下行下又見到個沙灘
之後呢我地就坐督督去big c
係好大好大間
入到去先食午餐
ok架，幾好食
入到去我又買買買
想買的粉c又比人掃哂
得返呢隻唔同樣無買到
同以往一樣，都係大包小包走
主要都係食物多
去完big c我地就坐的士返酒店拎行李
蘇梅坐的士真係堅貴
返到酒店拎埋行李我地要去機場喇
酒店安排左呢架車比我地
呢程係要比錢架
都貴架，要幾百蚊
都係果句啦，蘇梅島車費係好貴，貴過曼谷好多好多
去到機場出境之後又有得行下，環境好好啊
今次三日2夜的行李
短短3天的蘇梅島的遊記寫完喇
其實只係剛剛月中去完
睇返d相我都好回味
如果想去hea下好好休息同享受
蘇梅島係一個好好的選擇
去完3曰2夜你會覺得自己充滿能量
享受一下陽光，同愛的人靜靜過返三兩日
係一件好享受的事情
如果你問我，愛曼谷的繁榮還是愛蘇梅的寧靜
我的答案一定是後者
希望好快可以再為大家送上遊記
每次寫遊記都會特別多網友看
好多謝大家的支持啊
我都好開心我的分享有人喜歡看
其實我同老公好快又會再飛
下一站......會是.......都係一個旅遊勝地
戀戀XX
哈哈，老公今日訂緊機票未搞好呀，確認左再同大家分享
蘇梅島遊記全篇完
我的天空未完呀
來黎會分享下馬卡龍啦
我的自家煮啦
仲有仲有，沙巴的遊記啊
