沖繩自駕遊Day 1租車篇(上)

沖繩自駕遊Day 1行程

當日搭香港航空直飛沖繩

第一次坐港航，都幾好呀



香港飛沖繩好近，2個零鐘就到達喇

落機喇

那霸機場




取完行李行出大堂就見到租車公司OTS的職員

我地已經預早響網上BOOK定車，咁對返個名就有職員安排

其中兩名職員係講華語，溝通完全無問題

一人派一張租車流程



同一班機都好多組係租OTS，咁就圍埋一齊聽職員講解



之後拎齊行李出發去OTS拎車喇，要坐旅遊巴，車程大約係15分鐘

到左喇，先登記比錢，記得帶國際車牌同香港車牌，係一定會CHECK的，無帶就唔洗攞車喇

租5日車共34650yen

老公登記我就四圍參觀下，有模擬駕駛，但我眼見無人玩，hehe



好喇，辦好手續就有職員帶我地拎車喇

先check車

之後職員就教用GPS

最後要開車比職員睇一次，一切無問題就會比你開走架車喇




我地酒店係響恩納區，由那霸揸車返去大約要90分鐘

我好肚餓，咁第一站就揸去國際通搵食

點知途中經過間AEON，入去參觀下先(結果成個TRIP行得最多係超市，HEHE)

好大間呀



我最愛的巨峰提呀，好平好平

呢D意粉醬我平時響香港AEON都有買開，嘩~~~日本平好多



熱食區


忍唔到喇，見到壽司好肚餓，一於買黎做午餐

當時大約係5點喇，拿拿聲響車上開餐先

沖繩好快就會天夜，大約六點半天就會黑哂，我地要揸長途車返恩納區的酒店，都係快D返去好D

本來我諗住DAY 1一篇過，但我要出去喇打唔切，下篇DAY 1酒店篇先再繼續，

今日已經係10月17號，YAHOO BLOG 10月尾就更新唔到喇，好唔捨得啊.....